Adhuruesit e kokosit mund të provojnë këtë recetë dhe do ngelen të kënaqur nga shija e saj.
Përbërësit:
▪ 200 g kokos
▪ 100 ml ajkë të ëmbël
▪ 70 g sheqer pluhur
▪ 70 g gjalpë
▪ 200 g çokollatë për zierje
Përgatitja:
1. Qiteni në një enë kokosin dhe sheqerin pluhur dhe përzieni. Në tenxhere ngroheni ajkën e ëmbël dhe gjalpin në zjarr të vogël, derisa gjalpi në tërësi të tretet.
2. Lëreni që përzierja të ftohet, pastaj derdheni sipër kokosit dhe sheqerit pluhur. Ngjisheni derisa të bëhet masë e fortë. Përbërjen e përgatitur mund ta formësoni në dy mënyra: mënyra e parë dhe më e lehtë është që të rrafshohet në tepsi, si për bajaderë.
3. Mënyra e dytë është që me duar të formoni shtanglat, të cilat i radhisni në folie alumini. Pa marrë parasysh se cilën mënyrë e keni zgjedhur, të lehtën apo të vështirën, është e nevojshme që përbërjen ta lini në frigorifer që të forcohet.
4. Mbi shtanglat e ftohura derdheni çokollatën e shkrirë, përkatësisht i fundosni në çokollatën e shkrirë dhe sërish i futni në frigorifer që të forcohen, transmeton Telegrafi.
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...